長野遊 - 小插曲 (一)

由於在十一月底起行，當地還未正式踏入冬季，所以整個行程未算十分寒冷。返港後翻查一下那幾天的氣溫，原來普遍清晨傍晚也在零度或負一度左右，但實際體感溫度卻覺得比香港的濕凍暖一點。

話說行程中有一天剛從市區來到輕井澤後便直接出發到鎮內逛一趟，在沒有足夠的禦寒衣物下，真的愈走愈凍，幸好那天有一個嘉年華，街道上滿是小檔攤，當中有數檔是賣著熱騰騰的食物，那時我已經凍得很餓，想也不想便直接買了一碗熱辣辣的喬麥麵，跟當地人一樣站著吃麵，即使那碗麵算不上什麼，但在那時那刻，卻有一種特別的滋味。

長野遊(二) 野猿公苑 & 雲場池

這天的行程主要是去地獄谷野猿公苑，顧名思義就喺去睇馬騮，要睇馬騮，喺城門同金山郊野公園都有得睇，仲要有隨時被搶野食既風險，點解要山長水遠睇馬騮，就喺哩度D馬騮會浸溫泉，之前睇相覺得好得意，所以今次特登去睇下。

去野猿公苑一般都喺由長野出發，直接坐巴士喺上林溫泉落車，又或者坐電車去湯田中溫泉再轉巴士。不過今年加開一條新既路線，可以由飯山驛坐巴士到上林溫泉，有JR Pass既關係，加上坐多一個車站反而可以早D去到，所以我又選擇試下新路線。去到飯山驛仲早，順道去觀光中心問下有無禮物，如果有留意JR PASS既簡介，當中會有提及某幾個車站可以換記念品，飯山驛喺其中一個，記念品喺水彩畫既名信片。起初職員都唔太清楚有哩樣野，搵兩搵，終於成功拎到名信片。

之後就搭 0910 班巴士 (如果由長野出發要坐1015) ，成程車只有我一個乘客，同司機講去monkey park 就可以，落左巴士之後，原來喺要行一段路程先到地獄谷，來回近四公里，著住保暖既衫同揹住重重既背包，結果一停低就開始流鼻血，喺入口前休息左一段時間先入去。入到去之後，發現地獄谷其實唔大，又喺一眼睇曬，只有一個溫泉池，成個峽谷都住左唔少馬騮，開頭唔喺好多馬騮浸溫泉，只喺晏左開始涼，愈黎愈多馬騮去落去浸，間中馬騮之間仲會為左爭地盤大打出手。哩度d馬騮唔似香港，短毛短尾，亦唔會搶野食，可能日本喺哩方面既教育做得幾好，馬騮一般都喺喺地下或同伴間捉虱搵食。喺度唔經唔覺就行左個幾鐘，之後就落番湯田中坐電車回長野，如果喺鐵道迷既話，哩條電車線有唔少退役舊車頭仲喺度行緊，而我今次坐既就喺上代成田機場特急。

番到長野，見有少少攰，最後都無行去善光寺，先返輕井澤休息。只喺一返酒店放低背包就一身鬆曬，見仲早又想行下，於是只帶相機兩手空空咁行去雲場池睇下。雲場池喺一個出名睇紅葉既水池，只喺紅葉早就落光，剩下光禿禿的枝頭。行多兩行就番市鎮用膳結束一日的行程。

長野遊(一) 白馬 & 松本

難得買到特價機票，於是我又再一次到日本旅遊。
這次行程是飛往東京，由於我向來不太喜歡逛街購物，所以我最終以東京為踏腳站，整個行程以長野為中心。
去長野的路程較遠，當地景點普遍需要乘巴士才可到達，JR East Pass 並不適用於乘搭巴士，只是前往長野的北陸新幹線跟機場NEX 特急車費也不便宜，計過數後，還是購買 Pass，旅行就是要方便呢。

在長野的景點中，我主要是去地獄谷野獄公苑、輕井澤、以及白馬跟松本。只有五天的行程，總不能編得密麻麻，不然就失去旅遊的樂趣。另外，這是我第一次一個人自遊行，編排上雖然跟以往分別不大，但在住宿上都選擇了方便就腳的酒店。由於訂不到長野的酒店，只好於輕井澤留宿。

現不按行程次序先介紹白馬跟松本那天的行程。

由輕井澤前往白馬可以選擇乘 JR 或於長野站轉乘巴士，只是乘火車最少需要三小時車程，轉車時間也夾不到，所以我選了後者。乘巴士由長野出發往白馬只需一小時車程，下車的車站可以擇在各個滑雪場附近的路口下車，比乘 JR 方便。

一個人的關係，我沒有打算到滑雪場滑雪，只想乘纜車上山見識一下，幸好早幾天下了一場大雪，不然積雪不夠，滑雪場會暫停營業。到達巴士站後，在附近兜了一圈覺得唔對路，只好出茅招開GPS 定位一下 (我去旅行時很少使用電子器材，都是看好地圖直接行，不喜歡租借WIFI 蛋，不喜歡在外遊期間仍會比人騷擾的感覺) ，原來沒有走錯路，走多幾走便看到纜車站，起初我還以為要付較貴的入場費，原來跟職員表示上山觀光是可以淨買纜車的來回車票。

對我來說，這裡除左用"靚" 來形容外，已經想不到還有什麼形容詞來形容，從未到過雪山跟滑雪場的我，有一種特別高興的感受。在山上可以走的地方不多，在壓雪車經過的路面上走路會比較輕鬆，如果踩在鬆軟的雪地上，最深雪的地方的積雪有我小腿深。幸好穿了雪褲，只是我所穿的行山鞋只是防水不保暖，在上面多走一會也要回室內休息下，順便清走掉進襪裡的雪，不然會凍傷。

在山上看完風景便下山，行路回火車站，想不到由纜車站行去火車站也有2-3公里遠，看到地圖見附近有另一條沿河邊走的路可以回車站，於是不沿巴士路走，結果又有意想不到的收穫，這條路旁邊都是田野，可以看到山腳的地方，不會被民房遮擋。

接下來我乘早一班的火車回松本，雖然遲一班是快車，但到達松本已經三點半，那兒近四點多已經黃昏，覺得早些去到會好一點。相比其他天守閣，松本城的城園給我一種像普通休憩公園，來這裡的旅客不多(或者太偏遠)，比較清靜，在城池外看著這座我最喜歡的天守閣，不經不覺也坐了大半小時間，最後在日落前還是先回，因為入夜開始著涼，而且回程火車的班次一小時才一班，就這樣結束了一天的行程。: )