Day 95 向日葵田

喺日本賞花，除左櫻花同紫藤外，其實仲有好多選擇。唔同季節都有該季既應節花，而今期就喺賞向日葵。查下資料見南知多有個觀光農光可以賞花，有少少交通不便都去行下。先坐名鉄去到內河，之後就等個班一個鐘一班既巴士，兜兩兜就落車，只喺落車之後又要喺曝曬既車路慢慢行番上去農場入口，入口非常簡單，同一個細溫室差別不大，每人收費690円就可以入場，比完錢仲可以拎把交剪出去剪花走，每人限剪五朵。
出左溫室就可以行去向日葵田，估唔到實情喺得咁少，只有五塊田，當中得三塊盛放，一塊半開，最後一塊仲未大，就近路邊既向花葵有唔少已經比人剪左，不過無影響外觀，但喺當日有唔少向日葵都已經變左做向地葵，所以望落去一啲都唔吸引，再加上花瓣都開始皺，遠看成堆向日葵就好似喺涼茶舖買一包包用黎煲菊花茶既菊花。只喺一場黎度，總想搵個比較好既角度影番張相留念。

行完之後依然陽光猛烈，避免中暑就決定提早番去名古屋嘆冷氣。