再一次失望而回 DAY 34

今天終於等到工場的回覆，意想不到的是對方無講原因就話你唔多適合所以決定唔聘用，結果今日全日都唔多高興，整堂日文堂都心不在焉。放學再去多次 hellowork 亦提供唔到啲好選揀，決定之後既日子都唔會再去，以我既條件多數都喺白行一趟。最後連行超市都睇唔落有乜岩買，都喺番番樓下買料，另外買番包薯片自暴自棄一下，黎到日本咁耐真喺未食過零食，咁既心情下真喺要盡情食番啲垃圾食物。

黎度一個月仲喺乜工都搵唔到，經過多番嘗試都喺食白果，黎度哩刻我都開始考慮清楚未來去向，始終旅費有限，要好好計劃一下，提早返港哩個決定亦再一次重新考慮。