名古屋水族館一天遊 DAY 44

當我決定去水族館時，基本上我已經決定提早結束是次旅程，詳情可以看另一篇文章。

由 Sharehouse 去水族館喺非常近，只要行三個字就到，出發前先上網查下當日既節目行程表，主要都喺睇下幾點有餵魚表演之類。雖然近年有唔少環保人士開始提出一啲人道既說法反對圈養鯨豚，當中亦有部分國家開始推行，在現存最後一批的圈養鯨豚離世後便永久中止相關的部分，只喺個人仍會覺得水族館喺圈養海豚下喺有助推廣大眾對海洋既保育意識，透過睇記錄片同親見目睹始終喺有唔同既感受，假如日後人人改為出海觀鯨豚，某程度亦會做成另一種干擾，感覺上兩者有種莫名其妙既關係，以上純粹一番愚見。

名古屋水族館相比海洋公園裡面既水族館就大同小異，雖然無海洋公園既大魚缸，但同樣有海豚表演，另外仲有殺人鯨同白鯨，當睇到佢地喺自己面前游水就會有少少開心，特別喺見到白鯨喺餵食時段既小表演既樣子真喺好可愛。之後再睇左一個叫沙甸魚風暴，就喺夠鐘餵魚時，佢地追住啲糧粉時好似龍捲風咁，配上背後音樂黎睇喺幾壯麗。

結果一個水族館就行左足足五個鐘多，行完都番去休息。