市內閒逛 DAY 15

轉下眼又加入失業大軍，打算補讀的日語課程要在下星期才開始，無所事事下趁著天朗氣晴外出逛下，看看平時九分鐘車程改成走路的要行多久。最後選了車站附近的景點 - 熱田神宮，最後行了大半個鐘還未到，肚子開始餓時便到附近餐廳醫肚，吃畢再繼續路程，走到白鳥庭園路口，諗左陣都喺決定唔去，之後大概全程行左一個鐘多先到熱田神宮。

入到熱田神宮發現無乜野睇，於是就決定行番去鶴舞公園睇下有無櫻吹雪。結果個段路一樣接近 4-5km，行多一個鐘先到。過左滿開既關係鶴舞公園明顯少左一截賞櫻遊人，只喺依然有人坐草地賞櫻，當我四圍行時，行到櫻花樹下隱約聞到陣陣酸味，相信前幾天人們賞櫻時喝酒喝得醉醺醺獲利回吐所致。雖然間中都有微風吹下一堆櫻花，只是環境一般下，決定提早起程回家。