見工日 DAY 29

去日本見工，無論大細公司，尊重場合下我都會著番套西裝。一如以往早到三個以上去視察一下現景同整理一下。結果一入開面見，成個過程基本上無用過我準備定既日文，因為我提到國語嗰時，對方已經搵埋識國語既工友一齊對話，相比之前既見工，今次內容都比較詳盡，或者我撞過板都知道有啲地方需要問清楚，特別喺合約上，唔問一樣講過信字，對於習慣逢重要既野都白紙黑字既我，真喺覺得有少少無保障。點都好喇，聽落就多數都請，只喺留番下星期初再電話正式通知番工日期。希望今次會喺一個新開始，令我對日本既工作文化有番少少好感。