再接再勵 DAY 27

經過一輪小打擊之後，要喺日本挨落去只有兩條路，一喺日文突飛猛進可以搵到啲所謂唔洗日文又肯留你既打工換宿，一喺繼續左撲右撲睇下撲唔撲到一職做住頂當。於是今朝再去多次 hellowork，即外國人勞工處度搵工，同上次唔同，今次已有 account 既情況下，唔再喺職員介紹工作比你，而喺拎住幾本求人票睇下有邊啲工自己有興趣再抄底編號等職員再幫你作決定。左揭右揭，幾經辛苦終於搵到幾間算喺岩心水既工，當中有份喺話可以唔洗日本，識國語就得，其他個啲就要日常會話。結果職員睇完一論就話喺聽唔明既情況下，佢地唔會理你識唔識做，所以日常會話水平既你都揀唔到架喇，幫你試下搵個淨講國語個份問下，點知佢打完去問之後就話對方講個人工只喺比一啲識日文既人，唔曉日文人工喺好低，一聽到就諗起上次個單講一套做一套既公司，我當然又翻炒一次呻下。可能今次個職員都喺中國藉，佢見我咁情況就再問下我有無邊啲工種願意做，最後佢介紹左份喺食品工場做既工，因為佢話已經介紹左唔少中國人入去做，可以方便溝通同應付到工作。於是，搵工上又再次有少少曙光。

之後就行下榮地下街，行到夠鐘就上日文班，繼續溫番以前學過既基本日文。