寫意鐵道遊 DAY 8

今日繼續四圍走，左諗右諗後，決定都喺唔慳個程私鐵車費，照用PASS坐去靜岡影蒸氣火車。哩條鐵道就喺大井川鐵道，近年佢大搞旅遊生意，喺眾多舊既蒸火車中，將其中幾架改裝成 THOMAS小火車系列，仲會喺每年夏季冬季載客，吸引唔少火車迷專程去一轉。只不過而家四月就未有，淨喺得每日來回各一班既普通蒸汽火車行駛。由於之前旅行坐過SL人吉，發現坐喺車廂內喺無乜特別，感受唔到蒸汽火車行駛時既氣勢，所以一直都想喺火車經過既地方影相。

相比JR，大井川鐵道收費幾貴，如果坐足全程來回要3800円左右，所以計劃行程上，我都喺揀中途站落車影。意想不到既地方喺我打算去既地方而家有特別套票，車費上就無平過，但喺包埋附近溫泉浸浴券一次。去到目的後，第一件事都喺搵位影相，即使喺閒日，黎影火車既人都唔少，大家各佔一方都喺為左影靚相。上網查左時間知道架SL會喺1230經過，所以搵好位之後都要等成半個鐘，影既過程都算快，由橋頭到橋尾，大概50秒左右就行畢。影完之後見差唔多時間會有班普通車經過，於是轉一轉地方影埋先去浸溫泉。

浸溫泉既地方原來喺露天風呂，環境唔錯，只喺前黎泡湯既一般都上左年紀既伯伯，泉水方面真喺幾滑，浸左陣之後就去埋飯堂用饍。只喺食完飯後就發現出現已經落著幾密既雨，附近又無地方可以行，只喺撐住把遮喺河邊行黎行去再番車站等車，大概一共等一個鐘左右就有車搭喇。

回程路途上，頭段都喺要坐JR 普通車，只喺去到大站時發現等多三個字就有班新快速，諗一諗就落車轉車，唔再坐普通車番去名古屋，因為等多三個字既新快速依然可以比普通車快近半個鐘到名古屋呢。就喺咁，我張青春18終於用左四日喇，剩番最後一日可以睇天氣決定幾時用，有需要時可以留番 10/4 最後一日先用。

SL @第一鐵橋

去程坐既舊式電車

車站旁既小小梅花屏風